Plastinnsamling i burettslag og sameige

Plastinnsamling i burettslag må tilpassast i forhold til utfordringar og moglegheiter kvar stad. Nokre har fem leiligheiter, andre har to hundre. Om der er vaktmeisterteneste, avfallsrom, god eller vanskeleg tilkomst er andre forhold som må takast omsyn til når vi skal i gang med plastinnsamling.

 

Mange burettslag kjem raskt og godt i gang med plastinnsamlinga etter å ha lest informasjonsbrosjyra om korleis dette kan gjerast. Vi har og ei liste over burettslag vi skal oppsøke for å få på plass eigna løysingar. Dette arbeidet er vi i gang med, men det er tidkrevjande å komme rundt til alle som har behov for ei synfaring. Vi er førebudde på at det kan ta tid før alle burettslag og sameige har ei tilfredsstillande løysing for plastinnsamling, og har forståing for at mange er utolmodige.